भक्तपुर, १९ माघ । गोल्डेन गेट इङ्गलिश सेकेन्डरी स्कूलको ३८ औँ वार्षिकोत्सव तथा अभिभावक दिवस शुक्रबार सम्पन्न भयो । विद्यालयका संस्थापक निर्देशक अञ्जु जोशीको अध्यक्षतामा सम्पन्न उक्त कार्यक्रममा भक्तपुर नगरपालिकाका उपप्रमुख रजनी जोशीले बाँसुरीको मङ्गल धुनबिच उद्घाटन गर्नुभएको थियो ।

कार्यक्रममा अतिथि उपमेयर जोशीले गोल्डेन गेटले शिक्षित नागरिक तयार पार्न अभ्यास गर्दै आएको पठन संस्कृतिको विकास कार्यक्रम अन्य विद्यालयले पनि अनुसरण गर्नुपर्ने विचार व्यक्त गर्नुभयो।

उहाँले भक्तपुर नगरपालिकाले भक्तपुरलाई आधुनिक प्रविधिसहितको ज्ञान विज्ञानको केन्द्र बनाउने उद्देश्यअनुरूप ७ हजार विद्यार्थीसहित ७ वटा शैक्षिक संस्था सञ्चालन गर्दै आएको उल्लेख गर्दै विद्यालयले देशलाई माया गर्ने र देशमै बस्ने राजनैतिक, सांस्कृतिक र ऐतिहासिक चेत भएको जनशक्ति तयार पार्न भूमिका खेल्नुपर्ने बताउनुभयो।

वडाध्यक्ष डा. हरिराम सुवालले शिक्षक, अभिभावक, विद्यार्थी तथा जनप्रतिनिधिहरूमा शिक्षासँगै संस्कार र संस्कृतिप्रति माया र देशप्रेमको भावना विकास गर्नुपर्ने बताउँदै देशमा युवाहरू रित्तिँदै गएकोमा चिन्ता व्यक्त गर्नुभयो।

डा. सुवालले भक्तपुर नगरपालिकाद्वारा हालै आयोजित भक्तपुर महोत्सवमा विद्यालयले वडा नं. ६ मा प्रस्तुत गरेको नेवारी जीवन शैली गतिविधि र ख्वप कलेजमा प्रस्तुत गरेको शैक्षिक प्रदर्शनीको प्रशंसा गर्दै धन्यवाद ज्ञापन गर्नुभयो।

प्याब्सन अध्यक्ष राजन कसपालले विद्यालयका प्रिन्सिपल स्वयं कुशल शिक्षासेवी भएको उल्लेख गर्दै उहाँले भक्तपुर प्याब्सन र सदस्य विद्यालयहरूको शैक्षिक गुणस्तर उकास्न शिक्षक र विद्यार्थीहरूलाई तालिम र गोष्ठीमार्फत खेलेको नेतृत्वदायी भूमिकाको प्रशंसा गर्दै कार्यक्रमको सफलताको कामना गर्नुभयो।

प्रिन्सिपल एवं कोफाउन्डर सिङ लामाले वार्षिक प्रगति प्रतिवेदन पेस गर्दै बृहत् पठन, पुस्तक वार्ता, सर्जकीय रुपान्तरणमा परिलक्षित मकै घर, फोनिक्स पठन, पीबीएल सिकाइ, ईसीए फेस्टिवल, स्टार डे आदि विद्यालयका मौलिक अभ्यासहरूको सङ्क्षिप्त जानकारी दिनुभयो।

अतिथि उपमेयर जोशीले विद्यालयले आयोजना गरेको ईसीए फेस्टिवलका १६२ जना विजेताहरूलाई पदक प्रदान गर्नुभएको थियो अर्का अतिथि डा. हरिराम सुवालले विद्यालयको पठन संस्कृति विकासमा परिलक्षित एक्स्टेन्सिव रिड कार्यक्रमअन्तर्गत ५० भन्दा बढी पुस्तक अध्ययन गर्ने २५ जना पाठकहरूलाई गोल्डेन रिडर्स ब्याच र अर्का अतिथि राजन कसपालले विद्यार्थीहरूमा अन्तर्निहित स्टार गुण प्रस्फुटन गर्न आयोजित गोल्डेन स्टारका नियमित प्रस्तुतकर्ताहरूलाई गोल्डेन स्टार तक्मा प्रदान गर्नुभएको थियो।

उक्त कार्यक्रममा विद्यार्थीहरूको नृत्य, गायन, वाद्यवादन, नाटक, बुक रिभ्यु आदि प्रस्तुत गरिएको थियोे।

गोल्डेन गेट ईङ्गलिश सेकेण्डरी स्कूल, महाकालिस्थान, भक्तपुरले प्रथम मकै घर सर्जक सम्मेलन २०८१ भव्यताकासाथ सम्पन्न गरेको छ।

जनकवि चन्द्रबहादुर उलकले प्रमुख अतिथिको रूपमा सम्मेलनको उद्घाटन गर्दै विद्यालयको मकै घर कार्यक्रम अन्तर्गत सिर्जित ६७ वटा चुनिएका रचनाहरु संग्रहित मकै घरको कोसेली २ को विमोचन गरे ।

कक्षा १ देखि ८ सम्मका विद्यार्थीहरुको वाचन र प्रस्तुतीलाई नियालेपछि प्रमुख अतिथि जनकवि उलकले यस्तो सम्मेलन नौलो रहेको बताए । उहाँले मकै घर सर्जक सम्मेलन जस्तो कार्यक्रमले सिद्धिचरण र बालकृष्णहरु जन्माउन सक्ने ठोकुवा गर्दै यस्तो कार्यक्रम अन्य विद्यालय, टोल र समुदायमा पनि विस्तार हुनुपर्नेमा जोड दिए ।

 

 

 

 

 

 

 

 

 

 

प्रिन्सिपल तथा संस्थापक सिङ्ग लामाले विद्यार्थीहरुको पाठकबाट सर्जकसम्मको रुपान्तरण यात्राका लागि मकै घर कार्यक्रम संचालन गर्दै आएको र यस अन्तर्गत विद्यार्थीहरु निरन्तर वृहत् पठन, सिर्जनशील लेखन र प्रस्तुतीमा अभ्यस्त हुँदै आएको बताए ।

बालसाहित्य प्रतिष्ठान नेपालका अध्यक्ष कार्तिकेय घिमिरेले सर्जकहरुको प्रस्तुतीहरुलाई मूल्यांकन गरी नित्यम रिजाल, सभाना प्रधान र पुनम तामाङलाई नगद पुरस्कार प्रदान गरे। उनले प्रतिष्ठान तथा स्वर प्रकाशनको तर्फबाट विद्यार्थीहरुको रचनालाई प्रकाशनको अवसर एवम् शिक्षकहरुलाई विशेषज्ञ तालिमको अवसर समेत उपलब्ध गराउने प्रतिबद्धता जनाए।

लेखक एवं अनुसन्धाता तुलसी निरौलाले कक्षा ८ की भावना दाहाल तथा मीरा तामाङलाई पुस्तक प्रोत्साहनस्वरुप प्रदान गरे। उनले गोल्डेन गेटले विकास गरेको मकै घर मोडेल र यसबाट निर्मित पठन र लेखन सीप अत्यन्त उच्च स्तरको रहेको र यस्तो अभ्यास देशैभरी विस्तार गर्न आवश्यक रहेको बताए । कार्यक्रममा विभिन्न कवि तथा व्यक्तित्वहरूको उपस्थिति रहेको थियो।

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

भक्तपुर । महाकालिस्थान, भक्तपुरस्थित गोल्डेन गेट ईङ्गलिश सेकेण्डरी स्कूलले दोस्रो गोल्डेन गेट पिबिएल मेला २०७९ भव्यताका साथचैत ३ गते शुक्रबार सम्पन्न गरेको छ । शिक्षालाई वास्तविक जीवनसँग जोड्ने र त्यसका लागि विद्यार्थीहरुको वैयक्तिक ईन्टेलिजेन्समा आधारित विविधिकृत क्रियाकलापहरुको गराईको अनुभवबाट गहिरो सिकाईको अवसर प्रदान गर्ने अभिप्रायले विद्यालयले विगत ९ वर्षदेखि मल्टिपल ईन्टेलिजेन्सेजमा आधारित प्रोजेक्ट बेष्ड लर्निङ अर्थात एमआई पीबिएल पद्दती लाई अंगिकार गर्दै आएको हो ।

मेलामा उक्त नवीन पद्दती अन्तर्गत सिक्ने क्रममा विद्यार्थीहरुले शैक्षिक सत्र २०७९ को अबधीमा तयार पारेका विभिन्न पिबिएल प्रोजेक्टहरु मध्ये ७० वटा भन्दा बढी चुनीएका प्रोजेक्टहरुलाई आफ्ना सिकाई अनुभवहरु सहित उच्च आत्मविश्वासका साथ सविस्तार प्रस्तुत गरेका थिए । उक्त मेलाको उदघाटन समारोहमा भक्तपुर नगरपालिका वडा नं. ६ का वडाध्यक्ष तथा विद्यालय व्यवस्थापन समिति सदस्य डा. हरिराम सुवालको प्रमुख आतिथ्य रहेको थियो ।

प्रमुख अतिथि डा. सुवालले कार्यक्रमको अर्को आकर्षणको रुपमा रहेको विद्यार्थीहरुलाई पाठकबाट सर्जकमा रुपान्तरण गर्ने अभिप्रायले संचालन गर्दै आएको मकै घरका लागि शैक्षिक सत्र २०७९ मा कक्षा १ देखि ७ सम्मका विद्यार्थीहरुद्वारा सिर्जित हजारौं सिर्जनाहरु मध्येबाट छानिएका ३६ वटा सिर्जनाहरु संकलित पुस्तक मकै घरको कोसेली १ को बिमोचन गर्नु भयो ।

बिमोचन पछि मन्तव्यका क्रममा डा. सुवालले आफ्नो अध्ययन र प्राध्यापनका अनुभवहरुलाई स्मरण गर्दै विद्यार्थीहरुलाई नयाँ समय अनुसारको नयाँनयाँ पद्दतीको प्रयोग गर्दै सिकाई वातावरण तयार पार्न गरेको विद्यालयको प्रयासको खुलेर प्रशंसा गर्नुभयो ।

कार्यक्रमको उपादेयता माथि प्रकाश पार्दै विद्यालयका प्रिन्सिपल तथा कोफाउण्डर सिङ्ग लामाले नेपालको शिक्षा सैद्दान्तिक मात्र भएर जीवनसँग नजोडिएको खाडललाई पुर्न एमआई पिबिएल पद्दति बिकास गरिएको, शिक्षा घोकन्ते र रटन्ते मात्र भएको भन्ने समस्या निराकरण गर्न सर्जकीय रुपान्तरणमा परिलक्षित मकै घर कार्यक्रम संचालन गरिएको र सोचाईको दायरा साँघुरो भएको भन्ने कमी पूरा गर्न कक्षा र उमेर अनुसार ग्रेडेड म्यासिव रिडिङ कल्चरको कार्यक्रम संचालन गर्दै आएको बताउनु भयो ।

त्यसैगरी कार्यक्रमका अर्का अतिथि भक्तपुर नगरपालिका वडा नं. ६ का महिला जनप्रतिनिधी तथा विद्यालय व्यवस्थापन समिति सदस्य रोशन मैया सुवालले विव्यसको विगत दुई कार्यकालदेखि आफू प्रत्यक्ष रुपमा संलग्न रहेको बताउँदै बच्चाहरुको बिकासका लागि विद्यालयले गर्दै आएको वृहत् नवीनतम प्रयासहरु उत्कृष्ट रहेको बताउनु भयो । साथै उहाँले अबको समयमा बच्चाहरुको शिक्षाका लागि अभिभावकहरुले लगानी गर्न कञ्जुस्याईँ गर्न नहुनेमा पनि विशेष जोड दिनु भयो । करीब २०० अभिभावकहरुको उत्साहपूर्ण सहभागिता रहेको उक्त कार्यक्रम आन्तरिक रुपमा संचालन गरिएको भएपनि विद्यालयको नवीन अभ्यासलाई नजिकबाट अवलोकन गर्न भक्तपुर, काठमाडौं, ललितपुर र चितवनबाट समेत विभिन्न विद्यालयका प्रिन्सिपल एवं शिक्षकशिक्षिकाहरु सहभागी भएका थिए ।

आगन्तुक सबैले शिक्षकशिक्षिकाहरुको पिबिएल मेन्टरिङको दक्षता तथा विद्यार्थीहरुको प्रभावकारी प्रस्तुती र नेतृत्व क्षमताको खुलेर प्रशंसा गरेका थिए । विद्यालयका सिईओ शिब श्रेष्ठद्वारा संचालित उक्त कार्यक्रमको सभापतित्व संस्थापक निर्देशक अञ्जु जोशीले गर्नुभएको थियो ।

 

भक्तपुर/२५ जेठ-भक्तपुर नगरपालिकाका नव निर्वाचित नगर प्रमुख सुनिल प्रजापतिको प्रमुख आतिथ्यमा महाकालि स्थान, भक्तपुर स्थित गोल्डेन गेट ईङ्ग्लिश सेकेण्डरी स्कूलले ३६औं वार्षिकोत्सव तथा अभिभावक दिवस मनाएको छ । जेष्ठ २४ गते मंगलवार अभिभावक, विद्यार्थी, विद्यालय कर्मचारी तथा नव निर्वाचित जनप्रतिनिधीहरु विच ३६औं वार्षिकोत्सव तथा अभिभावक दिवस मनाएको छ ।

कार्यक्रममा बोल्दै प्रमुख अतिथि मेयर सुनिल प्रजापतिले शिक्षाले देशको सभ्यता र संस्कृतिसँग विद्यार्थीहरुलाई परिचित गर्दै लानुपर्ने बताउँदै शैक्षिक प्रमाणपत्र थुपार्ने मात्र शिक्षाको केही महत्व नभएको भनाई राखे । उनले शिशुस्याहार देखि स्नातकोत्तर कलेजसम्मको व्यवस्थापन गर्ने भक्तपुर नगरपालिका मूलुकको एकमात्र स्थानीय तह रहेको बताए ।

त्यसैगरी विद्यालयका प्रिन्सिपल सिङ्ग लामाले शिक्षाले मूल्य गुमाउँदै जीवनबाटै विमुख हुँदै गएको परिप्रेक्ष औंल्याउँदै शिक्षालाई जीवनसँग जोड्न विद्यालयले विगत ७ वर्षदेखि मल्टिपल ईन्टेलिजेन्सेजमा आधारित प्रोजेक्ट बेस्ड लर्निङको अभ्यास गर्दै आएको र हाल यो अभ्यास भक्तपुर, ललितपुर, काठमाडौं, काभ्रे, चितवन, धरान र झापाका केही उत्कृष्ट विद्यालयहरुमा समेत रेप्लिकेट गरिएका ेजानकारी गराए । साथै प्रिन्सिपल लामाले सिकाईको अन्तर्राष्ट्रिय अनुभव दिन विद्यालयले चलाउँदै आएको एसक्यूसी, ब्रिटिश काउन्सिल आईएसए प्रोजेक्ट, वल्र्ड चिल्ड्रेन्स प्राईज, आईसेक प्रोजेक्ट, स्कूल ईन्टरप्राईज च्यालेञ्ज, स्क्रयाबल च्याम्पियन शिप, चिल्ड्रेन पिस काउन्सिल,वल्र्ड स्कूलकाउन्सिल, आदिको विस्तृत जानकारी गराए । उनले विद्यालयले स्वार्णिम भविष्य छात्रवृत्ती लगायत वार्षिक २३ प्रतिशत भन्दा बढी विद्यार्थीहरुले आवश्यकतामा आधारित कुनै न कुनै प्रकारको छात्रवृत्ती प्राप्त गरी विद्यालयमा अध्ययनरत रहेको कुरा समेत स्पष्ट पारे ।

कार्यक्रममा प्याब्सन भक्तपुरका अध्यक्ष सुरेन्द्र तुबन्जा श्रेष्ठले उत्कष्ट शैक्षिक गुणस्तर प्रदान गर्न विद्यालयले गर्दै आएको प्रयासहरुको प्रशंसा गरे । अत्यन्त न्यूनतम शुल्कमा यो सबै कसरी सम्भव भयो भन्दै आश्चर्य समेत प्रकट गरे । वडाध्यक्ष डा. हरिराम सुवालले भक्तपुरमा गुणस्तरीय शिक्षा प्रदान गर्न विद्यालयले खेल्दै आएको भूमिकाको प्रशंसा गर्दै आगामी दिनमा अझै उत्कृष्ट सफलताको कामना गरे । महिला वडासदस्य रोशनमैया सुवालले विद्यालयले प्रदान गरेको गुणस्तरीय शिक्षाको विषयमा बेलाबेलामा अभिभावहरुबाट समेत प्रशंसा सुनेको प्रसंग उल्लेख गरीन ।

उक्त कार्यक्रममा एसकेजी २०७६, २०७७ र २०७८ का विद्यार्थीहरुलाई प्रिस्कूल डिप्लोमा सहित दिक्षान्त समारोह, एसईई २०७६ र २०७७ लाई सम्मान, बधाई एवं विदाई, नवआगन्तुक विद्यार्थीहरुलाई स्वागत तथा विद्यालयका तर्फबाट जनप्रतिनिधीहरुलाई बधाई ज्ञापन तथा सम्मान गरीएकोे थियो । विद्यालयका संस्थापक निर्देशक अञ्जु चिपालु जोशीको अध्यक्षतामा विद्यालयका सिईओ शिव श्रेष्ठले कार्यक्रम संचालन गरेका थिए ।

(यो समाचारhttps://khabareducation.com/12614/ मा पनि प्रकाशित छ ।)

Golden Gate calls New Admission for A/Y 2082 for limited seats available in selected classes.

 

 

 

 

Interested Parents and Students can fill out our Online Form available at: https://ggess.edu.np/admission/

विद्यालयले अभिभावकहरुको कार्यव्यस्तता तथा सुबिधालाई ध्यानमा राखि अनलाईन शुल्क भुक्तानी सेवा उपलब्ध गराएको छ । यस अन्तर्गत ईसेवा मार्फत जुनसुकै बेला शुल्क भुक्तानी गर्न सकिनेछ जसको लागि अभिभावकहरुले आफ्नो ईसेवा एपमा गएर स्कूल फी (School Fee) थिचेर विद्यालयको नाम सर्च गरी त्यसमा थिच्ने र त्यसपछि आवश्यक विवरण भरेर शुल्क बुझाउन सकिनेछ ।

कोभिड ‘१९ को दोस्रो लहरसँगै देशमा भएको लकडाउन र भाईरस संक्रमणको उच्च जोखिमलाई मध्यनजर गर्दै विद्यालयले ईसेवा र बैंक खातामार्फत डिजिटल पद्दतीमा शुल्क भुक्तानी गर्ने अनलाईन सुबिधा सुरु गरेको थियो ।

बैंक खातामार्फत भने संसारको जुनसुकै ठाउँबाट र जतिसुकैबेला पनि शुल्क बुझाउन सकिनेछ । बैंक खातामार्फत शुल्क भुक्तानी गर्न तल दिईएको विद्यालयको आधिकारिक बैंक खाताको क्यूआर कोड स्क्यान (QR Code Scan) गरी भुक्तानी गर्न सक्नुहुनेछ ।

नोटः शुल्क भुक्तानीको विवरण मोबाईलबाट स्क्रिनशट गरी विद्यालयको भाईबर वा वाट्सएप नं. +9779841299271 मा पठाउनुहुन अनुरोध छ ।

Golden Gate is now initiating the pride of providing the Best Online Courses from the Top Universities of the World through MOOC for the students starting as early as from Class 3 onwards.

MOOC stands for Massive Online Open Courses which has brought a revolution in education globally. Through this, we encourage our students to go way further by taking various Certified Courses from hundreds of the World’s Top Universities like Yale University, University of California, Stanford University, University of Melbourne, Johns Hopkins University, University of London, University of Toronto, etc., to name the few, from across the globe through personalized MOOC access.

Amid the 2nd wave of CoViD-19 Global Pandemic and strict lockdown, Golden Gate successfully conducted the Final Exams 2077 starting from 16th Jestha, 2078 in Online (Virtual) Mode. Almost 98% of the students enthusiastically participated in the exams. Very few students from pre-School, especially the Nursery class couldn’t make it due to some technical reasons and they are also being evaluated using some other alternative tools.

Prior to the Examinations, level-wise parent’s meetings were held for the needful discussions. The participation and feedback of the parents were highly encouraging.

New Admission for Academic Year 2078

The school has called for New Admission for Academic Year 2078 through a video message posted on its Official Facebook Page:

Interested Parents and Students can fill our out Online Form available at: https://ggess.edu.np/